Pinzi Giampiero

Nassût a Rome, 11-03-1981, Centricjampist

Pinzi al nas a Rome e al cres te capitâl, par jessi precîs tes zovanîi de Lazio, societât, par altri, che di chê al è di simpri un grant tifôs.
Cu la formazion di Sven Goran Eriksson Pinzi al ven "batiât" tal balon che al conte ai 2 di Novembar dal 1999 cuant che tal stadi "Lobanovski" di Kiev al partecipe ae vitoriose trasfierte des acuilutis sui parons di cjase de Dinamo.
E je une stagjon, chê dal 1999-2000, dul` che Giampiero Pinzi al vinç il Scudet cu la Lazio e ancje la cope Italie sore a vê, tal so palmares, ancje une Cope des Copis e une Supercope Europeane.
Tal Istât dal 2000 al ven cjolt dal Udin, tal afâr che al puart` a Rome Stefano Fiore e Giuliano Giannichedda, e in Friûl al cjate daurman il so puest di titolâr deventant un dai idui dai tifôs blancs e neris.

Daspò de partence dal cjapitani storic Valerio Bertotto, tal 2006/2007, la fasse di cjapitani e ven metude sul so braç, ma par cause di cualchi sfortunât infortuni te stagjon seguitive al zuie une vore pôc.
L'Udin, tal 2007-2008, lu preste al Chievo Verone, par doi agns di file, e dongje dal Adige Giampiero Pinzi al devente no dome un dai elements plui positîfs e costants dal grup di Di Carlo, ma l'ex alenadôr dal Chievo Verone lu torne a inventâ ancje tal rûl di trecuartist cun risultâts otims prime che i furlans, chest Istât, lu tornin a puartâ a "cjase".
Pinzi al pues svantâ ancje une presince te Nazionâl (ai 30 di Març dal 2005 te amichevule cuintri de Islande zuiade a Padue), ma soredut tal so curriculum cu lis rapresentativis zovanîi si puedin cjatâ une medaie di arint ai Campionâts Europeans Under 19 zuiâts in Svezie tal 1999, il "bronç" aes Olimpiadis di Atene dal 2004 cu la maie de Under 21 e, cu la stesse selezion, la medaie di aur ai Campionâts Europeans di Gjermanie tal stes an.

 

 

 

 

torne sù

Stagjon	Serie	Scuadre	Presincis	Goi
2004-05	A	UDINESE	30	1
2005-06	A	UDINESE	13	-
2006-07	A	UDINESE	32	1
2007-08	A	UDINESE	13	1
2008-09	A	ChievoVerona	34	1
2009-10	A	ChievoVerona	32	3

I dâts si riferissin aes ultimis 5 stagjons
dâts: www.virtualcalcio.com