14-12-2009

Grant sucès pe gnove version di udinese.it

Plui di 12 mil visitis in pôcs dîs. A cressin ancje i contats di dut il mont

Il gnûf portâl blanc e neri, rinovât te grafiche e tai contignûts, al à vût un boom di contats tai prins dîs daspò de sô jessude. A son stâts di bot 4 mil i visitadôrs che joibe ai 10 di Dicembar, date de prime zornade in linie, a àn volût consultâ e passâ lis pagjinis de vôs uficiâl dal Udinese Calcio. Vinars a son stadis regjistradis uns 2400 visitis, sabide 2000 e domenie 2600.
La fruibilitât plui alte dal sît, cu la pussibilitât di consultâlu ancje in lenghe inglese, spagnole e furlane, e à fat regjistrâ une cressite dai contats di bande dai paîs di dut il mont: 200 de Spagne, 140 de France, 130 de Svuizare e de Gjermanie, 100 dai Stâts Unîts di Americhe e de Ingletiere, 90 dal Brasîl. Segn e testemoneance che l’Udin, a dispiet dal moment pôc fortunât, e je seguide e amade di ducj i nestris tifôs e emigrâts tal forest.

I contignûts si puedin riprodusi citant la font udinese.it