Il Stadi Friuli

La costruzion dal Stadi Friuli, progjetât e ideât dal inzegnîr Giuliano Parmegiani e dal architet Lorenzo Giacomuzzi Moore, e tache tal 1971, ma il Stadi al ven inaugurât in maniere uficiâl ai 26 di Setembar dal 1976 in ocasion de gare Udin - Seregno, cjapant il puest dal gloriôs Stadi Moretti che par agns al veve ospitât lis partidis dal Udin. Il Stadi Friuli al stât ristruturât in ocasion dai Mondiâi di Italie '90, cuant che al à ospitât trê garis di Cope dal Mont. Il Stadi al à une capacitât di 41.652 puescj, cumò sbassade a 30.667 puescj.

Modalitât dal Servizi Deleghis

Ve chi cemt fâ par cambiâ il non di cui che al dopre l'abonament o il biliet

La leç 210 dai 17/10/2005 "Pisanu" e impon di identificâ la persone che si sente intun determinât puest la zornade de partide. Par chest al è necessari che, tal câs che un abonament al sei dât in prestit, par une sole partide, a une persone divierse dal possessô, a vegnin comunicâts i dâts di cui che lu dopre. Compagn pai biliets comprâts e intestâts a une persone ma po dopo doprâts in realtât di une altre.

Documentazion che e covente:

- Document di identitât de persone delegade
- Pussibilitât di viodi (fotocopie o origjinâl) l'abonament
- Deleghe in dòs copiis

Lis deleghis si puedin consegnâ joibe e vinars dopomisdì des 15 aes 19 e la domenie matine des 11 aes 14 li des Bilietariis dal Stadi Friuli.

Discjame il modul pal servizi deleghis

modul servizi deleghis file .pdf (formât .pdf)

Indicazions pes domandis di autorizazion e di esposizion di strissons tal Stadi Friuli di Udin in ocasion des garis in cjase dal Udin.

Su la fonde di ce che al è stât stabilicirc;t dal Ministeri dal Interni - Osservatori su lis Manifestazions Sportivis e cu la Determinazion n. 14/2007 dai 8 di Març dal 2007, a vegnin metudis achì lis proceduris che a coventin par fâ jentrâ e par esponi i strissons dentri dal stadi Friuli in ocasion des garis in cjase dal Udin.

Par podê puartâ dentri un strisson al covente presentâ la domande par fâ jentrâ e esponi i strissons compilant il Modul Domande Autorizazion di discjamâ.

Po dopo si varà di mandâ il modul, miôr vie mail, ae direzion udinese@udinesespa.it o pûr vie fax al numar 0432/544933 dentri e no plui tart di 7 ds prime de partide che e je ogjet de richieste, zontant dute la documentazion domandade. Si domande par plasê di meti il numar di telefon par podê jessi contatâts pe comunicazion de acetazion o no de domande.

Lis domandis, compiladis ben e compagnadis cun dute la documentazion che e covente, a vignaran mandadis al G.O.S. (Grup Operatîf di Sigurece) pe aprovazion. La societât Udinese Calcio e comuniche a chei che a àn domandât se la domande fate e je stade acetade o no di bande dal G.O.S.

Si precise che a podaran jessi presentadis dome lis domandis relativis ae jentrade di strissons dentri dal Stadi Friuli te ocasion des garis in cjase zuiadis de Udinese Calcio Spa.

Presits dai Biliets

• PUEST DI ONÔR
  150 Euro
• TRIBUNE CENTRÂL
  100 Euro
• TRIBUNE CENTRÂL RIDOT
  90 Euro
• TRIBUNE LATERÂL
  30 Euro
• TRIBUNE LATERÂL RIDOT
  25 Euro
• DISTINTS CENTRÂI
  25 Euro
• DISTINTS CENTRÂI RIDOT
  15 Euro
• CURVE NORD E SUD
  15 Euro
• SETTORE OSPITI
  15 Euro

Biliet ridot: feminis, invalits.
Under 14: fantat cun mancul di 14 agns compagnât di un gjenitôr o di une altre persone fin al IV grât di parentele (ritîr li des bilietariis dal stadi)