lunis 06 . 2 . 2012

jentrade > Udinese per la vita

UDINESE PER LA VITA:10 AGNS DI ATIVITÂT A PRO DI CUI CHE AL À BISUGNE

Incentivâ e poiâ, par mieç de racuelte di fonts e di altris iniziativis, la formazion professionâl tal setôr sanitari, socio-assistenziâl e de ricercje sientifiche, jessi dongje aes personis mancul fortunadis. A son chescj i obietîfs di Udinese per la Vita, Onlus nassude ai 9 di Mai dal 1998, par iniziative de siore Giuliana Linda Pozzo.
La istituzion di une borse di studi, intitulade a Gino Linda, par miedis che a fasin tirocini tal Centri Traplants dal Policlinic Universitari di Udin diret dal professôr Fabrizio Bresadola, e je stade une des primis iniziativis metudis in vore de Onlus.

Ativitâts che tai agns a son incressudis tal numar in gracie dai contribûts metûts de Famee Pozzo, di zuiadôrs dal Udin, dai tifôs blancs e neris e di privâts che a son rivâts in dut a cuasi 700.000 euros par comprâ, in particolâr, imprescj sientifics une vore indenant dal pont di viste tecnologjic.

Tal 2004 la Onlus blancje e nere e à promovût une iniziative a pro di Remo Molaro, un zovin disabil di Udin, che, graciis ai bêçs cjapâts sù dai tifôs dal Udin e al intervent de Regjon Friûl Vignesie Julie, al à podût fâ ai 13 di Març dal 2004 un intervent delicât tal ospedâl "Egas Moniz" di Lisbona.

Scomençant dal 1998, an di fondazion de Onlus blancje e nere, Udinese per la Vita si è lavorât une vore par realizâ chescj progjets:

AN 1998
Contribûts par borsis di studi par un valôr di 24.000.000 di
liris.

AN 1999
A son stâts donâts 23.578.066 liris par un machinari pal Policlinic Universitari di Udin.

AN 2000
Contribûts par une borse di studi par un valôr di 12.000.000 liris.
Par machinaris difarents pal Policlinic Universitari di Udin a son stâts dâts in dut 16.581.600 di liris.

AN 2001
Contribûts par borsis di studi par un valôr di 20.000.000 di liris.
Pe furnidure di un Ecograf al Policlinic Universitari di
Udin a son stâts donâts in dut 108.000.000 di liris.
TOTâL LIRIS 204.159.666
Totâl euros 105.440.00

AN 2002
A son stâts stanziâts in dut 18.589,45 euros par svariadis borsis di studi.
Pe furnidure di machinaris destinâts al Policlinic Universitari di Udin, e ancje al Ospedâl di Pordenon, a son stâts donâts 22.857,00 euros.

AN 2003
A son stâts dâts in dut 24.894,00 euros par machinaris difarents pal Policlinic di Udin (cliniche Mediche, sezion Epatologjie & Traplant e dipartiment di Siencis Chirurgjichis), e ancje al Paveon Gnovis Medichis dal Ospedâl "Santa Maria della Misericordia" di Udin.

AN 2004
Contribûts par borsis di studi par un valôr di 11.000,00 euros. A son stâts donâts in dut 18.413,00 euros pe furnidure di implants difarents pe cliniche di Chirurgjie Gjenerâl di Udin, e ancje pal Policlinic Universitari di Udin.
Pe fase di riabilitazion di Remo Molaro a son stâts dâts 25.000,00 euros.

AN 2005
Contribûts par une borse di studi, in memorie de femine dal dot. Marzona, par un valôr di 10.000,00 euros.
A son stâts donâts 10.000,00 euros par machinaris destinâts ae Cliniche di Chirurgjie e al Centri Traplants di Udin.

AN 2006
Pe furnidure di une unitât mamografiche al Policlinic di Udin (Sezion Senologjiche de Cliniche di Chirurgjie Gjenerâl), a son stâts dâts in dut 56.000,00.

AN 2007
Stanziâts tal complès 87.600,00 euros pe furnidure di machinaris difarents (Ecotomograf pal Centri Traplants de Aziende ospedaliere-universitarie di Udin, sisteme pe terapie intensive neonatâl "Lifetherm 2001" pe Societât di Patologjie Neonatâl de Aziende ospedaliere-universitarie di Udin; inviament de Aree Curis Paliativis dal dipartiment Oncologjic de Aziende ospedaliere-universitarie di Udin).

AN 2008
Udinese per la Vita e decît di poiâ un gnûf setôr, ven a stâi chel de donazion dal curdon dal umbriçon e dal so traspuart, parcè che si puedin disvilupâ, par mieç de ricercje, lis potenzialitâts dal implei dal sanc dal curdon dal umbriçon tai traplants.
A son stâts cussì stanziâts 8.000,00 euros ae ADISCO (Associazione donatrici Italiane sangue cordone ombelicale) pal traspuart des sachis di sanc.
Donâts 84.084,00 euros par inmaneâ la Unitât Operative semi-Intensive li de sezion di degjence de Cliniche di Chirurgjie Gjenerâl Aziende ospedaliere-universitarie di Udin.
Ae fin dal campionât 2007/08 il cjapitani dal Udinese Calcio Antonio di Natale al à dât la sô cuote dal premi par jessi rivâts te zone Uefa, di 15.000,00 euros, a Udinese per la vita par un contribût ae Associazion Luca, ative tal sostegn aes fameis di fruts che a àn patologjiis ncoematologjichis.

AN 2009
200.000,00 euros sù par jù, dâts pe lote cuintri de SLA.
TOTÂL EUROS (cui 204.159.666 di liris convertîts in Euros) 696.877,45 sù par jù.

 

 

 

 

 

 

 

 

 

torne sú